Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 207 Hüküm no: 161 Orijinal metin no: [15a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed b. Hacı Mustafa’ya kösele bedelinden borcu kalan Halil’in borcunu ödemesi Ma‘rûz Medîne-i Üsküdar’da Hamzafakih mahallesinde sâkin Ahmed b. el-Hâc Mustafa nâm kimesne medîne-i mezbûrede mahfil-i bâbda meclis-i şer‘-i hatîrde Halil b. el-Hâc Osman mahzarında mezbûr Halil târih-i i‘lâmdan beş ay mukaddem yedimden iştirâ ve kabz eylediği kösele semeninden bâkī altmış iki buçuk guruş zimmetinde hakkım olmağla taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı bâkī-i merkūm altmış iki buçuk guruşun edâsıyla mezbûr Halil şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 11 min-N sene 1204