Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 208 Hüküm no: 165 Orijinal metin no: [15b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Gemi neferi Hasan’ın ismini bilmediği bir asker tarafından gözünden yaralanmış olduğu Ma‘rûz Medîne-i Üsküdar’da Büyük İskele’de merbût hatab sefînesi neferâtından Hasan b. Hüseyin nâm kimesne medîne-i mezbûrede mahfil-i bâbda meclis-i şer‘-i hatîrde deryâda piyâde ta‘bîr olunur kayık ile mürûr eden askerî tâifesinden ismi ma‘lûmum olmayan kimesne târih-i i‘lâm günü tüfenk kesmesiyle sağ gözümün altından darb ve cerh etmekle keşf ve mu‘âyene olunmak matlûbumdur dedikde cerrâh tâifesinden Ali Efendi ve sâir mazbûtü’l-esâmî Müslimîn ile mezbûr Hasan’ın a‘zâsına nazar olundukda fi’l-hakīka mezbûr Hasan’ın sağ gözü altından tüfenk kesmesi yarasıyla mecrûh olduğu ba‘de’l-keşf ve’l-mu‘âyene vâki‘ hâl bi’l-iltimâs huzûr-ı âlîlerine i‘lâm olundu. Fî 26 min-N sene 1204