Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 209 Hüküm no: 166 Orijinal metin no: [15b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nâmahrem oldukları halde yakalananların cezalandırılmaları Ma‘rûz Medîne-i Üsküdar’da Selami mahallesinde vâki‘ hamam külhanında târih-i i‘lâm gecesi icrâ-yı fısk için cem‘ oldukları hâlde medîne-i mezbûre ustası ma‘rifetiyle ahz ve meclis-i şer‘a ihzâr olunan Tayyibe bt. Abdullah nâm avrat ile hamam-ı mezkûr külhancısı es-Seyyid Abdullah b. Ali nâm kimesneler istintâk olunduklarında mezbûrândan herbiri birbirilerine nâ-mahrem olup bir mahâlde bulunduklarını ikrâr ve mezbûrândan herbirine ta‘zîr lâzım geldiği bi’l-iltimâs huzûr-ı âlîlerine i‘lâm olundu. Fî 13 min-N sene 1204