Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 211 Hüküm no: 170 Orijinal metin no: [15b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Selim Beşe’nin kendisine hançer çekip hakaret ve küfrettiği iddiasıyla İbrahim b. Yusuf’a açtığı davadan vazgeçtiği Ma‘rûz Medîne-i Üsküdar’da Rum Mehmedpaşa mahallesinde sâkin Selim Beşe b. Süleyman nâm kimesne medîne-i mezbûrede mahfil-i bâbda meclis-i şer‘-i hatîrde İbrahim b. Yusuf nâm kimesne mahzarında mezbûr İbrahim târih-i i‘lâm günü medîne-i mezbûrede Yeni Câmi‘-i şerîf kurbünde hançer ile üzerime hücûm eylediğinden mâ‘adâ ve mûcibi ta‘zîr olan lafızla muvâcehemde şetm ve ırzımı hetk etmekle mûcibini taleb ederim deyü eylediği da‘vâsından bâ-tavassut-ı muslihîn meccânen fâriğ olup husûs-ı mezkûra müte‘allika âmme-i de‘âvîden mezbûr İbrahim’in zimmetini ibrâ ve ıskāt edip ol dahi ibrâsını ba‘de’l-kabûl bu vechile kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 7 min-N sene 1204