Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 211 Hüküm no: 172 Orijinal metin no: [16a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tülbentçi Haçador’a tülbent, yemeni ve alaca bedellerinden borcu olan Yahudi İsrail’in borcunu ödemesi Ma‘rûz Mahmiye-i İslâmbol’da Örmeciler kurbünde Tülbentci Haçador v. Anita nâm zimmî medîne-i Üsküdar’da mahfil-i bâbda meclis-i şer‘-i hatîrde İsrail v. Avram nâm Yahûdî muvâcehesinde merkūm İsrail Yahûdî târih-i i‘lâmdan dört sene mukaddem mâlımdan ve yedimden iştirâ ve kabz eylediği fiyâtı beynimizde ma‘lûm tülbent ve yemeni ve alaca semenlerinden ba‘de külli’l-hesâb dört yüz elli sekiz guruş ve bir rub‘ hakkım zimmetinde bâkī kalmağla hâlâ taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı bâkī-i merkūm dört yüz elli sekiz guruş ve bir rub‘un edâsıyla merkūm İsrail Yahûdî şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 27 min-Ş sene 1204