Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 216 Hüküm no: 182 Orijinal metin no: [16b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Üsküdar’ın Davudpaşa mahallesi ahalisinin, evinde uygunsuz kişileri barındıran Zeliha bt. Osman’ın ihraç edilmesi talepleri Ma‘rûz Medîne-i Üsküdar’da Davudpaşa mahallesi sükkânından İmâm Süleyman Efendi b. Mehmed ve Müezzin Molla Mehmed b. Süleyman ve ahâli-i mahalleden Osman Ağa b. Hüseyin ve el-Hâc Veli b. Mahmud ve Bekir Beşe b. Mehmed ve Abdullah Beşe b. Mehmed ve Mehmed Emin b. İbrahim nâm kimesneler medîne-i mezbûrede mahfil-i bâbda meclis-i şer‘-i hatîrde yine mahalle-i mezbûrede sâkine ve zâtı mu‘arrefe Zeliha bt. Osman nâm avrat muvâcehesinde mezbûre Zeliha kendi hâlinde olmayıp serserî geşt ü güzâr eder bî-mekân fevâhiş makūlesi avratları menzilinde iskân ve icrâ-yı fısk eylediklerinden mâ‘adâ kendinin dahi nâ-mahremden ictinâbı olmayıp mezbûreden bi’l-külliye emniyetimiz meslûb olmuşdur deyü muvâcehesinde sû’-i hâlini ihbâr ve mahalle-i mezbûreden ihrâc olunmak bâbında fermân-ı âlîleri sudûrunu herbiri istid‘â ve istirhâm eyledikleri bi’l-iltimâs huzûr-ı âlîlerine i‘lâm olundu. Fî 7 min-L sene 1204