Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 219 Hüküm no: 188 Orijinal metin no: [17a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim b. Halil’in, kendisini bıçakla yaralayanlar hakkında açtığı davayı ispat etmesi gerektiği Ma‘rûz Medîne-i Üsküdar’da Rum Mehmedpaşa mahallesi sükkânından olup sol bileği üzerinden mecrûh idiği lede’l-keşf ve’l-mu‘âyene zâhir olan İbrahim b. Halil nâm kimesne meclis-i şer‘-i hatîrde Üsküdar ustası ma‘rifetiyle ihzâr olunan işbu sene-i mübârekede sefer-i hümâyûna memûr olan ebnâ-i sebîlden Tokad bayrağı neferâtından es-Seyyid Osman b. Resül ve Mustafa b. Hasan nâm kimesneler muvâcehesinde târih-i i‘lâm günü hizmetinde olduğum hanımın câriyesi ile ma‘an esvâkdan menzile gelir iken mezbûrân es-Seyyid Osman ve Mustafa’dan herbiri câriye-i mezkûreye ta‘arruz kasdıyla üzerime hücûm ben dahi men‘ irâdesinde olduğumda mezbûr Mustafa beni ahz ve mezbûr es-Seyyid Osman bi-gayrı hakkın bıçak ile sol kolum bileği üzerinden darb ve cerh etmekle mûcib-i şer‘îsini taleb ederim deyü da‘vâ ve neferât-ı mezbûre istintâk olundukda herbiri inkâr etmeğin müdde‘î-i mezbûr İbrahim ber-vech-i muharrer müdde‘âsını vech-i şer‘î üzere isbâta havâle olunduğu ma‘lûm-ı devletleri buyuruldukda emr ü fermân hazret-i veliyyü’l-emrindir. Fî 20 min-Şevvâl sene 1204