Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 239 Hüküm no: 224 Orijinal metin no: [20a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Keresteci Serkiz’e kereste bedelinden borcu kalan Rumye bt. Ohan’ın borcunu ödemesi Ma‘rûz Medîne-i Üsküdar’da Balaban İskelesi kurbünde mütemekkin arzuhâl eden Keresteci Serkiz v. Toros nâm zimmî medîne-i mezbûrede mahfil-i bâbda meclis-i şer‘-i hatîrde arzuhâlde ismi mezkûre mu‘arrefetü’ş-şahs Rumye bt. Ohan nâm Nasrâniye muvâcehesinde merkūme Rumye Nasrâniye târih-i i‘lâmdan iki sene mukaddem yedimden ve mâlımdan iştirâ ve kabz eylediği aded ve fiyâtı beynimizde ma‘lûm ecnâs-ı kereste semeninden bâ-temessük dört yüz yirmi yedi guruş hakkımın yüz otuz guruşunu yedinden ahz iki yüz doksan yedi guruş hakkım bâkī kalmağla taleb ederim deyü da‘vâ ettikde ol dahi cevâbında ber-vech-i muharrer ikrâr ü i‘tirâf etmeğin mûcebiyle meblağ-ı bâkī-i merkūm iki yüz doksan yedi guruşun müdde‘î-i merkūma edâsıyla merkūme Rumye Nasrâniye şer‘an ilzâm olunduğu mübâşiri Mustafa Çavuş kulları iltimâsıyla huzûr-ı âlîlerine i‘lâm olundu. Fî 2 min-Za sene 1204