Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 247 Hüküm no: 239 Orijinal metin no: [21b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nakkaş Seyyid Ahmed ile Nakkaş Seyyid Mehmed’in evini boyadıkları Haseki İbrahim Ağa’da kalan alacak davasında sulh oldukları Ma‘rûz Medîne-i Üsküdar’da Hasanağa mahallesi sükkânından Nakkāş es-Seyyid Ahmed b. İsmail ve Nakkāş es-Seyyid Mehmed b. İbrahim nâm kimesneler medîne-i mezbûrede mahfil-i bâbda meclis-i şer‘-i hatîrde Haseki İbrahim Ağa b. Mehmed tarafından vekîli Haseki Mustafa Ağa b. İsmail nâm kimesne mahzarında müvekkil-i mezbûr Haseki İbrahim Ağa’nın medîne-i mezbûrede Arakıyeci el-Hâc Mehmed mahallesinde vâki‘ müceddeden binâ eylediği menzilini bi-şarti’r-rücû‘ emriyle bundan akdem kendi boyamız ile nakşedip gerek mâlımızdan harc ü sarf eylediğimiz yedi yüz elli guruş hakkımızın üç yüz elli sekiz guruşunu yedinden ahz ü istifâ ve üç yüz doksan iki guruşu zimmetinde bâkī kalmağla taleb ederiz deyü eyledikleri da‘vâlarından bâ-tavassut-ı muslihîn iki yüz guruş bedel-i makbûza müvekkil-i mezbûr Haseki İbrahim Ağa ile sulh olup ziyâde müdde‘âlarına ve bi’l-cümle husûs-ı mezkûra müte‘allika âmme-i de‘âvîden müvekkil-i mezbûr Haseki İbrahim Ağa’nın zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 8 min-Za sene 1204