Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 246 Hüküm no: 238 Orijinal metin no: [21b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed b. Hasan’a borcu olan Hasan b. Osman’ın borcunu ödemesi Ma‘rûz Vilâyet-i Anadolu’da Tosya kazâsında sâkin Ahmed b. Hasan nâm kimesne tarafından ber-vech-i âtî da‘vâya vekîl olduğu Ahmed b. Halil ve es-Seyyid Hasan b. Süleyman nâm kimesneler şehâdetleriyle sâbit olan li-ebeveyn karındaşı Hasan nâm kimesne medîne-i Üsküdar’da mahfil-i bâbda meclis-i şer‘-i hatîrde diğer Hasan b. Osman mahzarında [bi’l-] muvâcehe diğer Hasan târih-i i‘lâmdan üç buçuk ay mukaddem karındaşım müvekkilim mezbûr Ahmed yedinden bi-tarîki’l-karz istidâne ve kabz ve umûruna sarfla istihlâk eylediği on guruş zimmetinde hakkı olmağla bi’l-vekâle taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm on guruşun müvekkil-i mezbûr için vekîl-i mezbûr Hasan’a edâsıyla mezbûr diğer Hasan şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 3 min-Za sene 1204