Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 248 Hüküm no: 241 Orijinal metin no: [21b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice bt. Mehmed’in Ali b. Ali’ye olan borcunu ödemesi Ma‘rûz Medîne-i Üsküdar’da Sinanpaşa mahallesinde sâkin Ali b. Ali nâm kimesne meclis-i şer‘-i hatîrde mu‘arrefetü’z-zât Hadice bt. Mehmed nâm hatun mahzarında mezbûre Hadice Hatun târih-i i‘lâmdan iki sene mukaddem yedimden iştirâ ve kabz eylediği bir şalî biniş semeninden on iki guruş hakkımın üç buçuk guruşunu yedinden ahz ve sekiz buçuk guruşu zimmetinde bâkī kalmağla hâlâ taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı bâkī-i merkūm sekiz buçuk guruşun edâsıyla mezbûre Hadice Hatun şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 12 min-Za sene 1204