Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 248 Hüküm no: 242 Orijinal metin no: [21b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Münadi Osman Ağa’nın kürk bedelinden alacağı olduğu Ahmed Efendi’nin borcunu ödemesi Ma‘rûz Medîne-i Üsküdar’da Tenbel el-Hâc [Mehmed] mahallesinde sâkin Münâdî Osman Ağa b. Mehmed medîne-i mezbûrede mahfil-i bâbda meclis-i şer‘-i şerîf-i hatîrde Ahmed Efendi b. Mehmed mahzarında mezbûr Ahmed Efendi târih-i i‘lâmdan on ay mukaddem yedimden iştirâ ve kabz eylediği keremsûd kaplı bir semmûr kürk semeninden yüz altmış beş guruş zimmetinde hakkım olmağla taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm yüz altmış beş guruşun müdde‘î-i mezbûra edâsıyla mezbûr Ahmed Efendi şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 14 min-Za sene 1204