Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 249 Hüküm no: 244 Orijinal metin no: [21b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Duvarcı Mihal’in alacağı olduğu iddiasıyla açtığı davayı ispat edemediği Ma‘rûz Mevâdd-ı şer‘iye istimâ‘ı’çün kıbel-i şer‘den meb‘ûs Abdullah Efendi dâ‘îleri medîne-i Üsküdar’a tâbi‘ Çenger karyesine varıp mazbûtü’l-esâmî Müslimîn huzûrlarında akd-i meclis-i şer‘-i şerîf ettikde medîne-i mezbûreye tâbi‘ Beylerbeyi karyesinde mütemekkin duvarcı tâifesinden Mihal v. Pandi nâm zimmî meclis-i ma‘kūd-ı mezkûrda Kosta v. Foster nâm zimmî muvâcehesinde merkūm Kosta zimmî târih-i i‘lâmdan dokuz ay mukaddem beynimizde ma‘lûm duvarcılık ücretinden bâkī sekiz buçuk guruş zimmetinde hakkım olmağla taleb ederim deyü da‘vâ ve merkūm Kosta zimmî cevâbında meblağ-ı bâkī-i merkūmu tamamen edâ etmiş idim deyü eylediği def‘ini isbâta kādir olamayıp talebiyle müdde‘î-i merkūma yemîn teklif olundukda merkūm Mihal zimmî yemînden nükûl etmeğin mûcebiyle müdde‘î-i merkūm Mihal zimmî da‘vâ-yı mezkûresiyle merkūm Kosta zimmîye bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 6 min-Za sene 1204