Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 248 Hüküm no: 243 Orijinal metin no: [21b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kadıköy’den Hasan b. İbrahim’in alacağı olduğu iddiasıyla açtığı davayı ispat edemediği Ma‘rûz Mevâdd-ı şer‘iye istimâ‘ı’çün kıbel-i şer‘-i şerîfden meb‘ûs Abdullah Efendi dâ‘îleri medîne-i Üsküdar’a tâbi‘ Kādı karyesine varıp mazbûtü’l-esâmî Müslimîn huzûrlarında akd-i meclis-i şer‘-i şerîf ettikde karye-i mezbûrede sâkin Hasan b. İbrahim meclis-i ma‘kūd-ı mezkûrda Hüseyin b. Hüseyin mahzarında târih-i i‘lâmdan iki sene mukaddem mâlımdan bi-tarîki’l-emâne mezbûr Hüseyin yedine otuz yedi guruş def‘ ü teslîm eylediğimde ol dahi yedimden ba‘de’l-ahz ve’l-kabz meblağ-ı mezbûr hâlâ zimmetinde olmağla bana teslîme tenbîh olunmak murâdımdır deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını isbâta kādir olamayıp talebiyle mezbûr Hüseyin gıbbe’t-tahlîfi’ş-şer‘î mûcebiyle müdde‘î-i mezbûr da‘vâ-yı mezkûresiyle mezbûr Hüseyin’e bilâ-beyyine mu‘ârazadan men‘ olunduğu ba‘de’l-inhâ bi’l-iltimâs huzûr-ı âlîlerine i‘lâm olundu. Fî 6 min-Za sene 1204