Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 259 Hüküm no: 263 Orijinal metin no: [23a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Mehmed’in, Silahşor Ali Ağa’da olan alacağıyla ilgili davanın reddedildiği Ma‘rûz Mahmiye-i İslâmbol’da Peykhâne’de sâkin sâhib-i arzuhâl Mehmed b. Mehmed medîne-i Üsküdar’da mahfil-i bâbda meclis-i şer‘-i hatîrde derûn-ı arzuhâlde ismi mezkûr diğer Mehmed b. el-Hâc Ali muvâcehesinde bundan akdem ben mezbûr diğer Mehmed ile gāib ani’l-meclis Silahşor Ali Ağa’nın ücret kavliyle hizmetinde iken gāib-i mezbûr Ali Ağa seksen guruşumu sirka eyledin deyü bana isnâd ve ücretimden zimmetinde terâküm eden seksen guruş hakkımı bana vermeyip hâlâ zimmetinde kalıp lâkin gāib-i mezbûrun bana sirka isnâdı ve ücret-i mezkûremi vermediği mücerred mezbûr diğer Mehmed’in tahrîk ve iğvâ ettiğine binâen olmağla meblağ-ı merkūmu mezbûr diğer Mehmed’den taleb ederim deyü müdde‘î-i mezbûrun ber-vech-i muharrer takrîri tasaddî eylediği da‘vâ-yı gayr-ı meşrû‘asına iltifât olunmadığı bi’l-iltimâs huzûr-ı âlîlerine i‘lâm olundu. Fî 20 min-Za sene 1204