Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 275 Hüküm no: 291 Orijinal metin no: [26a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kasap Yan’yi idarp eden Ohannes v. Mardıros’un cezalandırılması Ma‘rûz Medîne-i Üsküdar’da Yeniçeşme kurbünde mütemekkin Kasab Yani v. Tanaş medîne-i mezbûrede mahfil-i bâbda meclis-i şer‘-i hatîrde Ohannes v. Mardıros muvâcehesinde merkūm Ohannes zimmî târih-i i‘lâm günü mütemekkin olduğum dükkân-ı mezkûr kurbünde bi-gayrı hakkın yumruk ile başıma ve arkama darb etmekle mûcib-i şer‘îsini taleb ederim deyü ba‘de’d-da‘vâ ve’l-istintâk ve’l-inkâr müdde‘î-i merkūm ber-vech-i muharrer müdde‘âsını Ali Beşe b. Veli ve Memiş Ağa b. İbrahim nâm kimesneler şehâdetleriyle ber-nehc-i şer‘î münkir-i merkūm muvâcehesinde isbât etmeğin mûcebiyle merkūm Ohannes zimmîye şer‘an ta‘zîr lâzım geldiği bi’l-iltimâs huzûr-ı âlîlerine i‘lâm olundu. Fî 23 min-Zilhicce sene 1204