Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 274 Hüküm no: 290 Orijinal metin no: [26a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed b. Süleyman’ın hizmet bedelinden alacağı olduğu iddiasıyla Valide-i Atik Subaşısı Halil Ağa’ya açtığı davada sulh olduğu Ma‘rûz Medîne-i Üsküdar’da misâfiren sâkin Ahmed b. Süleyman medîne-i mezbûrede mahfil-i bâbda meclis-i şer‘-i hatîrde Vâlide-i Atik Subaşısı Halil Ağa b. Yusuf mahzarında ben ücret ile hizmet eder makūleden olmamla bundan akdem mezbûr Halil Ağa’nın yanında kendi talebiyle bilâ-tesmiyeti’l-ücret yirmi beş ay hizmet etmemle şühûr-ı mezkûrede sebk eden ecr-i mislimi taleb ederim deyü eylediği da‘vâsından bâ-tavassut-ı muslihîn yirmi guruş bedel-i makbûza mezbûr Halil Ağa ile sulh olup husûs-ı mezkûra müte‘allika âmme-i de‘âvîden mezbûr Halil Ağa’nın zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 15 min-Zilhicce sene 1204