Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 289 Hüküm no: 320 Orijinal metin no: [28b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emine bt. Mehmed’in alacak iddiasıyla boşandığı kocasına açtığı davayı ispat edemediği Ma‘rûz Mahmiye-i İslâmbol’da Haydarpaşa Çeşmesi kurbünde vâki‘ Sinanağa mahallesinde sâkine ve zâtı mu‘arrefe Emine bt. Mehmed nâm hatun medîne-i Üsküdar’da mahfil-i bâbda meclis-i şer‘-i hatîrde zevc-i sâbıkı Mehmed b. Süleyman nâm kimesne mahzarında mezbûr Mehmed târih-i i‘lâmdan kırk gün mukaddem zevciyet beynimizde kāim iken cihet-i karzdan yedimden istidâne ve kabz ve umûruna sarfla istihlâk eylediği altmış guruş zimmetinde hakkım olmağla taleb ederim deyü ba‘de’d-da‘vâ ve’l-istintâk ve’l-inkâr müdde‘iye-i mezbûre ber-vech-i muharrer müdde‘âsını isbâta kādir[e] olamayıp bi’t-taleb mezbûr Mehmed gıbbe’t-tahlîfi’ş-şer‘î mûcebiyle müdde‘iye-i mezbûre Emine da‘vâ-yı mezkûresiyle mezbûr Mehmed’e bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 17 min-M sene 1205