Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 290 Hüküm no: 321 Orijinal metin no: [28b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sahak v. Kirkor’un kendisini bıçaklayan Arnavut Başçıvan İbrahim ile Hasan’a açtığı davada sulh olduğu Ma‘rûz Medîne-i Üsküdar’da Yenimahalle mütemekkinlerinden olup ber-vech-i âtî sol kolu yanından Yatağan bıçağı arkasıyla kara bere idiği lede’l-keşf ve’l-mu‘âyene zâhir olan Sahak v. Kirkor nâm zimmî medîne-i mezbûrede mahfil-i bâbda meclis-i şer‘-i hatîrde Arnabud tâifesinden Bağçevân İbrahim b. İsmail ve Hasan b. Ali nâm kimesneler mahzarlarında mezbûrân İbrahim ve Hasan târih-i i‘lâmdan üç gün mukaddem medîne-i mezbûre hâricinde Yahûd maşadı kurbünde ba‘de’z-zuhr beni bi’l-ma‘iye ahz bi-gayrı hakkın amden Yatağan bıçağı arkasıyla sol kolum yanına darb ve kara bere etmeleriyle mûcib-i şer‘îsini taleb ederim deyü eylediği da‘vâsından bâ-tavassut-ı muslihîn an-inkârin on beş guruş bedel-i makbûza mezbûrân İbrahim ve Hasan ile sulh olup zikr olunan kara bereye ve mâ yuhdesü minhe müte‘allika âmme-i de‘âvîden mezbûrân İbrahim ve Hasan’ın zimmetlerini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 18 min-M sene 1205