Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 298 Hüküm no: 337 Orijinal metin no: [30a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsmail b. Süleyman’ın kendisini taşla yaralayan Çoban Dimitri’ye açtığı diyet davasında sulh olduğu Ma‘rûz Medîne-i Üsküdar’a tâbi‘ Kādı karyesinde sâkin vech-i âtî üzere meşcûc olan İsmail b. Süleyman nâm kimesne medîne-i mezbûrede mahfil-i bâbda meclis-i şer‘-i hatîrde Çoban Dimitri v. Tanaş nâm zimmî târih-i i‘lâmdan bir gün mukaddem medîne-i mezbûre hâricinde kâin İbrahimağa Çayırı nâm mahâlde beni bi-gayrı hakkın taş ile başımın sol tarafından darb ve mütelâhimeten şec ettikde ben dahi mûcib-i şer‘îsini taleb ve da‘vâya tasaddî etmiş idim el-hâletü hâzihî beni bâ-tavassut-ı muslihîn altı guruş bedel-i makbûza sulh eylediklerinde ben dahi sulh-ı merkūmu kabûl şecc-i mezkûra ve mâ-yuhdesü-minhe müte‘allika âmme-i de‘âvîden merkūm Dimitri zimmînin zimmetini ibrâ ve ıskāt eylediğimde ol dahi ber-vech-i muharrer ibrâmı kabûl edip kat‘-ı münâza‘a eylediklerini merkūm Dimitri zimmî tasdîk eylediği tescîl ve bi’l-iltimâs huzûr-ı âlîlerine i‘lâm olundu. Fî 5 min-S sene 1205