Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 304 Hüküm no: 347 Orijinal metin no: [30b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Mehmed Emin’in alacak talebiyle açtığı davada sulh olduğu Ma‘rûz Medîne-i Üsküdar’da Selami mahallesinde sâkin es-Seyyid Mehmed Emin b. Hasan nâm kimesne medîne-i mezbûrede mahfil-i bâbda meclis-i şer‘-i hatîrde Abdullah b. Ömer nâm kimesne mahzarında mezbûr Abdullah târih-i i‘lâmdan bir sene mukaddem yedimden istidâne ve kabz ve umûruna sarfla istihlâk eylediği cihet-i karzdan on beş guruş hakkımı taleb ederim deyü eylediği da‘vâsından bâ-tavassut-ı muslihîn on guruş bedel-i makbûza mezbûr Abdullah ile sulh olup ziyâde müdde‘âsı olan beş guruşa ve bi’l-cümle husûs-ı mezkûra müte‘allika âmme-i de‘âvîden mezbûr Abdullah’ın zimmetini ibrâ ve ıskāt ol dahi ibrâsını kabûl ve kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 29 min-M sene 1205