Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 304 Hüküm no: 348 Orijinal metin no: [30b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Refai v. Salamon’un kendisini dövüp yaralayan Molla Ali ile İstefan’a açtığı davadan vazgeçtiği Ma‘rûz Medîne-i Üsküdar’a tâbi‘ Kuzguncuk karyesinde mütemekkin Refai v. Salamon nâm Yahûdî medîne-i mezbûrede mahfil-i bâbda meclis-i şer‘-i hatîrde Molla Ali b. Mehmed ile İstefan v. Kosta nâm zimmî muvâcehelerinde târih-i i‘lâm günü karye-i mezbûrede mezbûr Molla Ali duhân çubuğu ile yüzümün sol tarafına ve merkūm İstefan zimmî sille ile yüzüme darb ve cerh etmeleriyle mûcib-i şer‘îsini mezbûrân Molla Ali ve İstefan zimmîden taleb ederim deyü eylediği da‘vâsından bâ-tavassut-ı muslihîn meccânen fâriğ olup husûs-ı mezkûra müte‘allika âmme-i de‘âvîden mezbûrân Molla Ali ve İstefan’dan herbirinin zimmetlerini ibrâ ve ıskāt eylediğinde onlar dahi ber-vech-i muharrer ibrâsını kabûl ve bu vechile kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 11 min-M sene 1205