Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 311 Hüküm no: 362 Orijinal metin no: [32a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Boşnak Hacı İbrahim’in Bekir Beşe’deki alacağına kefil olan Mehmed b. Mehmed’in borcu ödemesi Ma‘rûz Mahmiye-i islâmbol’da Bozdoğan Kemeri’nde sâkin Boşnak el-Hâc İbrahim b. Mustafa medîne-i Üsküdar’da mahfil-i bâbda meclis-i şer‘-i hatîrde Mehmed [Beşe] b. Mehmed mahzarında gāib ani’l-beled Bekir Beşe zimmetinde bâ-temessük karz-ı şer‘îden yüz guruş hakkıma işbu mezbûr Mehmed Beşe tarafeynden bi’l-emr ve’l-kabûl kefîl ve dâmin olup meblağ-ı merkūmun elli dört guruşunu kefîl-i mezbûr yedinden ahz ü kabz edip bâkī kırk altı guruşu kefâletine binâen taleb ederim deyü ba‘de’d-da‘vâ ve’l-istintâk ve’l-ikrâr alâ-mûcebi ikrârihî meblağ-ı bâkī-i merkūm kırk altı guruşun bi-hükmi’l-kefâle müdde‘î-i mezbûra edâsıyla mezbûr Mehmed Beşe şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 23 min-S sene 1205