Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 311 Hüküm no: 363 Orijinal metin no: [32a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Süleyman ile hanımı Fatma’nın kendilerine küfredip darp edildikleri iddiasıyla açtıkları davadan vazgeçtikleri Ma‘rûz Medîne-i Üsküdar’da Sinanpaşa mahallesi sükkânından Süleyman b. Ali ve mu‘arrefetü’z-zât Fatıma bt. Ahmed nâm zevcân medîne-i mezbûrede mahfil-i bâbda meclis-i şer‘-i hatîrde Bostanî Mahmud b. İbrahim asâleten ve diğer Bostanî Mahmud b. Ahmed Efendi tarafından ber-vech-i âtî tasdîka vekîli babası mezbûr Ahmed Efendi muvâcehelerinde mezbûrân Mahmud ve diğer Mahmud târih-i i‘lâmdan bir gün mukaddem bize şütûm-ı galîza ile şetm ve sopa ile darb ve sagīr oğlumuz Ahmed’e dahi kezâlik şütûm-ı galîza ile ve sille ile darb etmeleriyle mûcib-i şer‘îsini taleb ederiz deyü zevcân-ı mezbûrândan herbiri asâleten ve velâyetin eyledikleri da‘vâlarından meccânen fâriğler olup zikr olunan şetm ve darba ve bi’l-cümle husûs-ı mezkûra müte‘allıka âmme-i de‘âvîden mezbûrân Mahmud ve diğer Mahmud’un herbirinin zimmetlerini asâleten ibrâ ve ıskāt eylediklerinde onlar dahi ber-vech-i muharrer ibrâlarını kabûl edip kat‘-ı [münâza‘a] edip <> [eyledikleri bi’l-iltimâs huzûr-ı âlîlerine i‘lâm olundu]. Fî 21 min-S 1205