Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 315 Hüküm no: 370 Orijinal metin no: [32b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Toygar Hamza mahallesi ahalilerinin uygunsuz hareketleri olan Fatma’nın ihraç edilmesini talep ettikleri Ma‘rûz Medîne-i Üsküdar’da Toygar Hamza mahallesi imâmı Hafız es-Seyyid Mehmed Tâhir Efendi b. es-Seyyid Mehmed ve ahâli-i mahalleden Hasan Ağa b. Hamza ve Bostanî Ali b. Ahmed ve Mustafa b. Ali ve İbrahim b. Mehmed ve İsmail b. Mehmed ve Mehmed b. Abdulkadir nâm kimesneler medîne-i mezbûrede mahfil-i bâbda meclis-i şer‘-i hatîrde mahalle-i mezbûre sâkinelerinden zâtı mu‘arrefe Fatıma bt. Mehmed muvâcehesinde mezbûre Fatıma kendi hâlinde olmayıp hadîdetü’l-lisân olmağla dâimâ bize şütûm-ı galîza ile şetm ve tekdîr etmekle mezbûreye nush ü pend eylediğimizde mütenassıha olmadığından mâ‘adâ mahalleyi ihrâk bi’n-nâr ederim deyü bizi ihâfe ve mezbûreden bi’l-külliye emniyetimiz meslûb olmuşdur deyü mezbûrenin ef‘âl-i kabîha ve harekât-ı nâ-merziyesini ihbâr ve mahalle-i mezbûreden ihrâc olunmak bâbında fermân-ı âlîleri sudûrunu ahâli-i mezbûreden herbiri istid‘â ve istirhâm eyledikleri bi’l-iltimâs huzûr-ı âlîlerine i‘lâm olundu. Fî 28 min-Safer sene 1205