Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 315 Hüküm no: 371 Orijinal metin no: [32b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkal Yani’nin feshettikleri ortaklıktan olan hissesi ile borcunu vermesi talebiyle açtığı davadan vazgeçtiği Ma‘rûz Medîne-i Üsküdar’da bakkāl tâifesinden arzuhâl eden Yani v. Dimitri nâm zimmî medîne-i mezbûrede mahfil-i bâbda meclis-i şer‘-i hatîrde arzuhâlde mezkûr Bakkāl Nikola v. Dimitri nâm zimmî muvâcehesinde merkūm Nikola zimmî ile târih-i i‘lâmdan dört sene mukaddem mahmiye-i İslâmbol’da Yenikapı nâ[m] mahâlde vâki‘ bakkāl dükkânında şerîk olup fesh-i şirket eylediğimizde hâsıla olan fâideden benim hisseme isâbet eden kırk guruş hakkımın on guruşunu merkūm Nikola zimmî yedinden ahz ve bâkī kalan otuz guruş ve cihet-i karz-ı şer‘îden zimmetinde hakkım olan elli sekiz guruş ki cem‘an seksen sekiz guruş hakkımı taleb ederim deyü eylediği da‘vâsından meccânen fâriğ ve meblağ-ı mecmû‘-ı merkūm seksen sekiz guruşa müte‘allika âmme-i de‘âvîden merkūm Nikola zimmînin zimmetini ba‘de’l-ibrâ ve’l-kabûl kat‘-ı münâza‘a eyledikleri mübâşiri çavuş kulları iltimâsıyla huzûr-ı âlîlerine i‘lâm olundu. Fî 22 min-S sene 1205