Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 317 Hüküm no: 375 Orijinal metin no: [33a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Karabet v. Asvador’dan aldığı borca karşılık evini rehin bırakan Saltana bt. Karabet’in borcunu ödeyip evini rehniyetten kurtarması (vefa) Ma‘rûz Medîne-i Üsküdar’da Selami mahallesinde mütemekkin Karabet v. Asvador nâm zimmî medîne-i mezbûrede mahfil-i bâbda meclis-i şer‘-i hatîrde şahsı mu‘arrefe Saltana bt. Karabet nâm zimmî muvâcehesinde mersûme Saltana Nasrâniye târih-i i‘lâmdan on ay mukaddem yedimden ve mâlımdan bi-tarîki’l-karz istidâne ve kabz eylediği yedi yüz otuz guruş deyni mukābelesinde mahalle-i mezbûrede kâin ma‘lûmü’l-hudûd ve’l-müştemilât bir bâb vakıf menzilini bâ-ma‘rifet-i mütevellî bana vefâen ferâğ etmiş idi el-hâletü hâzihî menzil-i mezkûru rehniyetden ba‘de’l-fekk meblağ-ı merkūm yedi yüz otuz guruşu merkūme Saltana Nasrâniye’den hâlâ taleb ederim deyü da‘vâ ve mersûme Saltana Nasrâniye dahi ber-vech-i muharrer ikrâr ü i‘tirâf etmeğin mûcebiyle zikr olunan menzili rehniyetden fek ile meblağ-ı merkūm yedi yüz otuz guruşun müdde‘î-i merkūm Karabet zimmîye edâsıyla mersûme Saltana Nasrâniye şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 2 min-Ra sene 1205