Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 316 Hüküm no: 374 Orijinal metin no: [32b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tablakâr Kazer’in ekmek bedelinden borcunu ödemesi Ma‘rûz Medîne-i Üsküdar’da Kebâbcılar fırınında mütemekkin Tablakâr Kazer v. Abram nâm zimmî medîne-i mezbûrede mahfil-i bâbda meclis-i şer‘-i hatîrde Egnem? v. Artin nâm zimmî muvâcehesinde merkūm Egnem? zimmî târih-i i‘lâmdan bir sene mukaddem yedimden ve mâlımdan iştirâ ve kabz eylediği nân-ı azîz semeninden zimmetinde yirmi beş guruş hakkımı taleb ederim deyü ba‘de’d-da‘vâ ve’l-istintâk ve’l-inkâr müdde‘î-i merkūm ber-vech-i muharrer müdde‘âsını isbât edemeyip bi’t-taleb merkūm Egnem? zimmîye yemîn teklif olundukda ol dahi yemînden nükûl etmeğin mûcebiyle meblağ-ı merkūm yirmi beş guruşu merkūma edâ ve teslîme merkūm Egnem? zimmîye şer‘an tenbîh olunduğu bi’l-iltimâs huzûr-ı âlîlerine i‘lâm olundu. Fî 20 min-S sene 1205