Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 318 Hüküm no: 377 Orijinal metin no: [33a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Ahmed b. Mehmed’in, haksız yere parasının alınmasına sebep olduğu iddiasıyla Mehmed b. Mustafa’ya açtığı davada sulh olduğu Ma‘rûz Medîne-i Üsküdar’da Büyükiskele’de kayıkcı tâifesinden es-Seyyid Ahmed b. Mehmed nâm kimesne medîne-i mezbûrede mahfil-i bâbda meclis-i şer‘-i hatîrde Mehmed b. Mustafa nâm kimesne mahzarında mezbûr Mehmed târih-i i‘lâmdan bir sene mukaddem Vilâyet-i Anadolu’da Kengiri (Çankırı) kazâsında ehl-i örfe beni teşekkî ve gamz ve yüz guruşumu bi-gayrı hakkın tecrîm ettirmeğe sebeb olmağla taleb ederim deyü eylediği da‘vâsından bâ-tavassut-ı muslihîn on beş guruş bedel-i makbûza sulh olup ziyâde müdde‘âsına müte‘allika da‘vâdan mezbûr Mehmed’in zimmetini ibrâ ve ıskāt ol dahi ibrâ-yı mezkûru kabûl ve bu vechile kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 28 min-S sene 1205