Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 318 Hüküm no: 378 Orijinal metin no: [33a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Agop v. Serope’nin borcunu, kefili olan babasının ödemesi Ma‘rûz Medîne-i Üsküdar’da Hamzafakih mahallesinde sâkin Hasan b. el-Hâc Hüseyin nâm kimesne medîne-i mezbûrede mahfil-i bâbda meclis-i şer‘-i hatîrde Serope v. Agop nâm zimmî muvâcehesinde târih-i i‘lâmdan iki ay mukaddem merkūm Serope zimmînin oğlu gāib ani’l-beled Agop nâm zimmî zimmetinde cihet-i karz-ı şer‘îden yüz guruş alacak hakkıma babası merkūm Serope zimmî kefâlet-i sahîha-i şer‘iye ile kefîl ve dâmin olmağla merkūm Serope zimmînin kefâletine binâen meblağ-ı mezbûru taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm yüz guruşun bi-hükmi’l-kefâle edâsıyla merkūm Serope zimmî şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 29 min-S sene 1205