Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 331 Hüküm no: 405 Orijinal metin no: [35a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Mehmed’e astar bedelinden borcu olan Anton’un borcunu ödemesi Ma‘rûz Mahmiye-i İslâmbol’da Kebeciler hanında sâkin es-Seyyid Mehmed b. Abdullah nâm kimesne medîne-i mezbûrede mahfil-i bâbda meclis-i şer‘-i hatîrde Anton v. Semaven nâm zimmî muvâcehesinde merkūm Andon târih-i i‘lâmdan üç sene mukaddem bi’d-defa‘ât yedimden ve mâlımdan iştirâ ve kabz eylediği top ve fiyâtı beynimizde ma‘lûm astar semeninden bâkī yirmi yedi guruş zimmetinde hakkım olmağla meblağ-ı merkūmu mezbûr Anton’dan hâlâ taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm yirmi yedi guruşu müdde‘î-i mezbûr es-Seyyid Mehmed’e edâsıyla merkūm Anton zimmî şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 11 min-Ra sene 1205