Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 332 Hüküm no: 406 Orijinal metin no: [35b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İstori v. Yorgi’ye borcu olan Nikola v. Dimitri’nin borcunu ödemesi Ma‘rûz Medîne-i Üsküdar’da Gülfamhatun mahallesinde dakīk değirmeninde mütemekkin İstori v. Yorgi nâm zimmî medîne-i mezbûrede mahfil-i bâbda meclis-i şer‘-i hatîrde Nikola v. Dimitri nâm zimmî muvâcehesinde merkūm Nikola zimmî târih-i i‘lâmdan on ay mukaddem cihet-i karzdan yedimden istidâne ve kabz ve kendi umûruna sarfla istihlâk eylediği elli guruş hakkım merkūm Nikola zimmî zimmetinde kalmağla hâlâ taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm elli guruşu müdde‘î-i merkūm İstori zimmîye edâsıyla merkūm Nikola zimmî şer‘an ilzâm olunduğu tescîl ve bi’l-iltimâs huzûr-ı âlîlerine i‘lâm olundu. Fî 11 min-Rebî‘ülevvel sene 1205