Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 334 Hüküm no: 411 Orijinal metin no: [35b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tacir Seyyid Muzaffer’in sahtiyan bedelinden kalan alacağının ödenmesi Ma‘rûz Mahmiye-i İslâmbol’da Uzunçarşı kurbünde handa sâkin Tâcir es-Seyyid Muzaffer b. Mehmed nâm kimesne medîne-i Üsküdar’da mahfil-i bâbda meclis-i şer‘-i hatîrde Magar v. Nikagos nâm zimmî muvâcehesinde merkūm Magar zimmî târih-i i‘lâmdan bir buçuk sene mukaddem yedimden iştirâ ve kabz eylediği aded ve fiyâtı beynimizde ma‘lûm sahtiyân semeninden otuz beş guruş hakkım merkūm Magar zimmî zimmetinde kalmağla taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm otuz beş guruşu müdde‘î-i mezbûra edâsıyla merkūm Magar zimmî şer‘an ilzâm olunduğu tescîl ve bi’l-iltimâs huzûr-ı âlîlerine i‘lâm olundu. Fî 11 min-şehri Rebî‘ülevvel sene 1205