Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 334 Hüküm no: 412 Orijinal metin no: [35b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Salih b. Mustafa’nın borcunu ödemesi Ma‘rûz Medîne-i Üsküdar’da Büyükiskele kurbünde sâkin Mehmed b. Mehmed medîne-i mezbûrede mahfil-i bâbda meclis-i şer‘-i hatîrde Salih b. Mustafa mahzarında mezbûr Salih târih-i i‘lâmdan bir buçuk ay mukaddem yedimden istikrâz ve kabz ve umûruna sarfla istihlâk eylediği on guruş otuz para zimmetinde hakkım olmağla hâlâ taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm on guruş otuz paranın müdde‘î-i mezbûr Mehmed’e edâsıyla mezbûr Salih şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 14 min-Ra sene 1205