Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 335 Hüküm no: 415 Orijinal metin no: [36a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Ali’nin alacak iddiasıyla Mehmed Ali’ye açtığı davada sulh olduğu Ma‘rûz Medîne-i Üsküdar’da Reis mahallesinde sâkine mu‘arrefetü’z-zât Âişe bt. Ali nâm hatun medîne-i mezbûrede mahfil-i bâbda meclis-i şer‘-i hatîrde Mehmed Ali b. İbrahim mahzarında mezbûr Mehmed Ali târih-i i‘lâmdan iki sene mukaddem emrimle âhara bey‘ eylediği eşyâ-i mütenevvi‘a-i ma‘lûme semeninden bâkī zimmetinde on yedi guruş hakkım olmağla taleb ederim deyü eylediği da‘vâsından bâ-tavassut-ı muslihîn beş guruş bedel-i makbûza mezbûr Mehmed Ali ile sulh olup ziyâde müdde‘âsına müte‘allika âmme-i de‘âvîden mezbûr Mehmed Ali’nin zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 14 min-N sene 1204