Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 344 Hüküm no: 433 Orijinal metin no: [37b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Hasan’a kalan borcunu ödemesi için Numan’a tenbihatta bulunulduğu Ma‘rûz Medîne-i Üsküdar’da Vâlide-i Atik mahallesinde sâkin Mustafa b. Hasan nâm kimesne medîne-i mezbûrede mahfil-i bâbda meclis-i şer‘-i hatîrde Numan b. İsmail nâm kimesne mahzarında mezbûr Numan târih-i i‘lâmdan on dört ay mukaddem yedimden istidâne ve kabz ve umûruna sarfla istihlâk eylediği cihet-i karz-ı şer‘îden yüz yirmi guruş hakkımın altmış üç guruşunu ahz ve elli <>guruş zimmetinde hakkım bâkī kalmağla taleb ederim deyü da‘vâ ve mezbûr Numan cevâbında fi’l-hakīka cihet-i mezkûreden bâkī ol-mikdâr deyni olduğunu ikrâr lâkin kabzını mu‘terif olduğu altmış üç guruşdan mâ‘adâ yirmi yedi guruş dahi kendiye edâ ve teslîm edip ancak otuz guruşu zimmetimde bâkī kalmış idi deyü ba‘de’d-def‘ ve’l-inkâr mezbûr Numan def‘-i mezkûrunu isbâtdan ızhâr-ı acz birle bi’t-taleb müdde‘î-i mezbûr Mustafa gıbbe’t-tahlîfi’ş-şer‘î mûcebiyle meblağ-ı bâkī-i merkūm elli yedi guruşu müdde‘î-i mezbûra edâ ve teslîme mezbûr Numan’a şer‘an tenbîh olunduğu bi’l-iltimâs huzûr-ı âlîlerine i‘lâm olundu. Fî 28 min-Ra sene 1205