Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 345 Hüküm no: 435 Orijinal metin no: [37b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kalyoncu Mehmed Beşe’nin alacak iddiasıyla Receb b. Ali’ye açtığı davayı ispat edemediği Ma‘rûz Medîne-i Üsküdar’da Kolluk kurbünde sâkin Kalyoncu Mehmed Beşe b. Mehmed nâm kimesne medîne-i mezbûrede mahfil-i bâbda meclis-i şer‘-i hatîrde Receb b. Ali nâm kimesne mahzarında gāib ani’l-beled Bekir nâm kimesne zimmetinde cihet-i karz-ı şer‘îden yüz guruş hakkım olup elli guruşunu yedinden ahz bâkī elli guruş ile üçümüz bir meclisde hâzır olduğumuz hâlde gāib-i mezbûr beni mezbûr Receb üzerine havâle-i sahîha-i şer‘iye ile havâle ve herbirimiz havâle-i mezkûreyi kabûl eylediğimize binâen meblağ-ı mezbûru hâlâ taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını isbâtdan ızhâr-ı acz birle talebiyle mezbûr Receb gıbbe’t-tahlîfi’ş-şer‘î mûcebiyle müdde‘î-i mezbûr da‘vâ-yı mezkûresiyle mezbûr Receb’e bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 19 min-S sene 1205