Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 345 Hüküm no: 436 Orijinal metin no: [37b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Süleyman’ın dükkân kira bedelinden ortağında alacağı olduğu iddiasıyla açtığı davada sulh olduğu Ma‘rûz Medîne-i Hazret-i Ebâ Eyyûb-ı Ensârî —radıyallâhu anhü rabbi’l-Bârî— mahallâtından Defterdâr mahallesinde sâkin Mustafa b. Süleyman nâm kimesne medîne-i Üsküdar’da mahfil-i bâbda meclis-i şer‘-i hatîrde Mehmed b. İbrahim nâm kimesne muvâcehesinde medîne-i Üsküdar’a Küçükhamam karşısında kâin bir bâb kebâbcı dükkânının nısfı benim ve nısf-ı âharı mezbûr Mehmed’in olup ben dükkân-ı mezkûrun nısfını bundan akdem mezbûr Mehmed’e beher şehr dokuz guruş ücret kavliyle îcâr ol dahi ba‘de’l-istîcâr ve dükkân-ı mezkûrda on ay sâkin olup şühûr-ı mezkûrede nısf dükkân-ı mezkûr ücretinden zimmetinde müctemi‘a olan doksan guruşu mezbûr Mehmed’den hâlâ taleb ederim deyü müdde‘î-i mezbûr ber-vech-i muharrer eylediği da‘vâsından bâ-tavassut-ı muslihîn on guruş bedel-i makbûza sulh olup ziyâde müdde‘âsı olan seksen guruşa müte‘allika âmme-i de‘âvîden mezbûr Mehmed’in zimmetini ibrâ ve ıskāt eyledikde ol dahi ber-vech-i muharrer ibrâsını kabûl edip bu vechile kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 21 min-Receb sene 1205