Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 352 Hüküm no: 451 Orijinal metin no: [39a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid İbrahim’den aldığı sahtiyan bedelinden borcu olan Mıgırdıç v. Nikagos’un borcunu ödemesi Ma‘rûz Mahmiye-i İslâmbol’da Uzunçarşı kurbünde Kebeciler Hanı’nda sâkin es-Seyyid İbrahim b. Ali medîne-i Üsküdar’da mahfil-i bâbda meclis-i şer‘-i hatîrde Mıgırdıç v. Nikagos nâm zimmî muvâcehesinde merkūm Mıgırdıç târih-i i‘lâmdan bir sene mukaddem yedimden iştirâ ve kabz eylediği aded ve fiyâtı beynimizde ma‘lûm sahtiyân semeninden on iki guruş otuz para zimmetinde hakkım olmağla hâlâ taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm on iki guruş otuz paranın müdde‘î-i mezbûr es-Seyyid İbrahim’e edâsıyla merkūm Mıgırdıç zimmî şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 7 min-Rebî‘ülâhir sene 1205