Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 353 Hüküm no: 452 Orijinal metin no: [39a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Manas v. Aleksan’ın borcunu ödemesi Ma‘rûz Mahmiye-i İslâmbol’da Uzunçarşı kurbünde Kebeciler Hanı’nda sâkin es-Seyyid İsmail b. Osman nâm kimesne medîne-i Üsküdar’da mahfil-i bâbda meclis-i şer‘-i hatîrde Manas v. Aleksan nâm zimmî muvâcehesinde merkūm Manas zimmî târih-i i‘lâmdan bir sene mukaddem yedimden iştirâ ve kabz eylediği bir tulum zerdeva kürk semeninden altmış üç guruş hakkımın yirmi sekiz buçuk guruşunu yedinden ahz ve otuz dört buçuk guruşu zimmetinde bâkī kalmağla hâlâ taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı bâkī-i merkūm otuz dört buçuk guruşun müdde‘î-i mezbûr İsmail’e edâsıyla merkūm Manas zimmî şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 29 min-Ra sene 1205