Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 357 Hüküm no: 460 Orijinal metin no: [39b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kirkor v. Nehabet’in Haçador v. Erim’e kalan borcunu ödemesi Ma‘rûz Medîne-i Üsküdar’da Selami mahallesinde mütemekkin Haçador v. Erim nâm zimmî medîne-i mezbûrede mahfil-i bâbda meclis-i şer‘-i hatîrde Kirkor v. Nehabet nâm zimmî muvâcehesinde bundan akdem merkūm Kirkor zimmî zimmetinde bâ-temessük cihet-i karzdan yüz sekiz guruş hakkımın on dokuz buçuk guruşunu yedinden ahz bâkī seksen sekiz buçuk guruş hakkımın sekiz buçuk guruş mutâlebesine müte‘allika âmme-i da‘vâdan merkūm Kirkor zimmînin zimmetini ibrâ ve ıskāt eylediğimde ol dahi ibrâmı ba‘de’l-kabûl bâkīsi olan seksen guruşu hâlâ taleb ederim deyü da‘vâ ol dahi cevâbında ber-vech-i muharrer ikrâr ü i‘tirâf edip mûcebiyle meblağ-ı bâkī-i merkūm seksen guruşun müdde‘î-i merkūma edâsıyla merkūm Kirkor ilzâm olunduğu bi’l-iltimâs huzûr-ı âlîlerine i‘lâm olundu. Fî 23 min-Ra sene 1205