Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 376 Hüküm no: 495 Orijinal metin no: [43b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Değirmenci Seyyid Murtaza’nın hakaret davasından vazgeçtiği Ma‘rûz Medîne-i Üsküdar’da Çavuşbaşı fırınında Değirmenci es-Seyyid Murtaza b. Süleyman nâm kimesne meclis-i şer‘-i hatîrde Hammâl Ahmed b. Mehmed nâm kimesne mahzarında mezbûr Ahmed târih-i i‘lâmdan bir gün mukaddem bana mûcib-i ta‘zîr olur elfâz-ı kabîha ile şetm ve ırzımı hetk etmekle mûcib-i şer‘îsini taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını beyân esnâsında beynlerine muslihûn tavassut edip müdde‘î-i mezbûr es-Seyyid Murtaza eylediği da‘vâsından meccânen fâriğ olup husûs-ı mezkûra müte‘allika âmme-i de‘âvîden mezbûr Ahmed’in zimmetini ba‘de’l-ibrâ ve’l-kabûl kat‘-ı münâza‘a eyledikleri ba‘de’t-tescîl bi’l-iltimâs huzûr-ı âlîlerine i‘lâm olundu. Fî 2 min-Ca sene 1205