Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 377 Hüküm no: 496 Orijinal metin no: [43b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emine bt. İbrahim’in kızının birikmiş nafakasının verilmesi talebiyle eski kocasına açtığı davanın reddedildiği Ma‘rûz Medîne-i Üsküdar’da Mirâhor mahallesinde sâkine mu‘arrefetü’z-zât Emine bt. İbrahim nâm hatun medîne-i mezbûrede mahfil-i bâbda meclis-i şer‘-i hatîrde zevc-i sâbıkı Mehmed b. Hüseyin nâm kimesne mahzarında ben mezbûr Mehmed’in zevce-i medhûlün-bihâsı iken bundan akdem beni tatlîk etmekle mezbûrun firâşından hâsıla ve benden mütevellide kızım sagīre Fatıma’nın nafakası’çün babası mezbûr üzerine kıbel-i şer‘den bâ-hüccet-i şer‘iye külle yevm dörder para nafaka farz ve takdîr olunup nafaka-i mefrûza-i müstedânesinden yirmi sekiz ayda mezbûr Mehmed zimmetinde müctemi‘a olan seksen dört guruşu taleb ederim deyü da‘vâ ve mezbûr Mehmed cevâbında fi’l-hakīka hâl müdde‘iye-i mezbûrenin takrîri üzere olduğunu ikrâr lâkin târih-i i‘lâmdan kırk ay mukaddem nefsini sagīre-i mezbûreye ecnebîye tezvîc edip ol-vechile hakk-ı hıdâne kendiden sâkıt olmuş idi deyü ba‘de’d-def‘ ve’l-ikrâr ikrârı mûcebince ba‘de sükûti’l-hıdâne nafaka da‘vâsı meşrû‘a olmadığı bi’l-iltimâs huzûr-ı âlîlerine i‘lâm olundu. Fî 5 min-Ca sene 1205