Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 380 Hüküm no: 503 Orijinal metin no: [44a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe’deki borcunu taksitler halinde ödeyeceği Ma‘rûz Medîne-i Üsküdar’da Selami mahallesinde sâkine mu‘arrefetü’z-zât Şerife Fatıma bt. Ali medîne-i mezbûrede meclis-i şer‘-i hatîrde kezâlik zâtı mu‘arrefe Âişe bt. Osman mahzarında mezbûr[e] Âişe Hatun târih-i i‘lâmdan bir buçuk sene mukaddem yedimden iştirâ ve kabz eylediği esvâb-ı mütenevvi‘a-i ma‘lûme semeninden elli dört guruş zimmetinde hakkım olmağla taleb ederim deyü da‘vâ ve mezbûre Âişe Hatun cevâbında fi’l-hakīka cihet-i mezkûreden müdde‘iye-i mezbûreye ol-mikdâr deyni olduğunu ikrâr lâkin hâlen ve def‘aten edâya kudreti olmayıp tecîle tâlibe olmağla müdde‘iye-i mezbûre dahi târih-i i‘lâmdan beher şehr tamamında dörder guruşdan on üç buçuk ay tamamında edâ etmek üzere mezbûre Âişe Hatun’u tecîl ve taksît eyledikde ol dahi ber-vech-i muharrer müeccelen ve mukāssatan edâya ta‘ahhüd edip bu vechile kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 7 min-Ca sene 1205