Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 382 Hüküm no: 509 Orijinal metin no: [44b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Halil’in at bedelinden kalan alacağının Hanife bt. İsmail tarafından ödenmesi Ma‘rûz Medîne-i Üsküdar’da Selami mahalle[sinde] sâkin Mustafa b. Halil nâm kimesne meclis-i şer‘-i hatîrde şahsı mu‘arrefe Hanife bt. İsmail nâm kıbtiye muvâcehesinde mezbûre Hanife târih-i i‘lâmdan üç sene mukaddem zevci gāib ani’l-meclis Hüseyin b. Abdullah nâm Kıbtî ile ma‘an yedimden iştirâ ve kabz eyledikleri bir re’s doru at semeninden kırk üç guruş hakkımın yirmi guruşunu yedinden ahz ü kabz ve yirmi üç guruşu zimmetlerinde bâkī kalıp lâkin hîn-i iştirâda semen-i mezkûrdan herbiri âharın zimmetine lâzım gelen meblağa kefîl ve dâmin olduklarına binâen semen-i bâkī-i merkūm yirmi üç guruşu mezbûre Hanife’den asâleten ve vekâleten taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı bâkī-i merkūm yirmi üç guruşun müdde‘î-i mezbûr Mustafa’ya edâsıyla mezbûre Hanife şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 17 min-Ca sene 1205