Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 388 Hüküm no: 519 Orijinal metin no: [45b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hanparsum v. Bogos’un dükkânında kiracı olan Ahmed b. Mehmed’in dükkânı tahliye etmesi Ma‘rûz Medîne-i Üsküdar’da Yenimahalle’de mütemekkin Hanparsum v. Bogos nâm zimmî meclis-i şer‘-i hatîrde Ahmed b. Mehmed nâm kimesne mahzarında mezbûr Ahmed medîne-i mezbûrede Hayreddin Çavuş mahallesinde vâki‘ mutasarrıf olduğum bir bâb kalemtıraşcı dükkânımda beher şehr altışar para ücret ile müstecirim olmağla gāyet-i şehr-i âtîde fesh-i akd-i icâre birle dükkân-ı mezkûru tahliye ve bana teslîme tenbîh olunmak matlûbumdur deyü ba‘de’d-da‘vâ ve’l-istintâk ve’l-ikrâr mûcebiyle dükkân-ı mezkûru gāyet-i şehr-i mezkûrda tahliye ve müdde‘î-i mezbûra teslîme mezbûr Ahmed’e şer‘an tenbîh olunduğu bi’l-iltimâs huzûr-ı âlîlerine i‘lâm olundu. Fî 27 min-Ca sene 1205