Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 388 Hüküm no: 520 Orijinal metin no: [45b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kigork v. Bedros’un Seyyid Bekir b. Ahmed’deki alacağını vadesi gelmeden tahsil edemeyeceği Ma‘rûz Medîne-i Üsküdar’da Yenimahalle’de mütemekkin Kigork v. Bedros nâm zimmî meclis-i şer‘-i hatîrde es-Seyyid Bekir b. Ahmed muvâcehesinde mezbûr es-Seyyid Bekir zimmetinde işbu târih-i i‘lâm senesi şehr-i Rebî‘ülevvel’in on ikinci günü medîne-i mezbûrede Toygar Hamza mahallesinde vâki‘ mâ-i cârî çeşmenin beyne’l-esnâf saka gediği ta‘bîr olunur bir kıbra ve bir tas ve bir boru semeninden altmış beş guruş hakkımın sekiz guruşunu yedinden ahz ve elli <> guruşu zimmetinde bâkī kalmağla taleb ederim deyü da‘vâ ve mezbûr es-Seyyid Bekir cevâbında fi’l-hakīka cihet-i mezkûreden müdde‘î-i merkūma ol-mikdâr deyni olduğunu ikrâr lâkin meblağ-ı merkūmu târih-i merkūmdan yüz seksen bir gün tamamında edâ etmek üzere beni tecîl etmiş idi deyü eylediği tecîl da‘vâsını müdde‘î-i merkūm dahi mukırr u mu‘terif olmağın mûcebiyle müdde‘î-i merkūm Kigork zimmî kable hulûli’l-ecel meblağ-ı merkūm mutâlebesiyle mezbûr es-Seyyid Bekir[e] bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 19 min-Ca sene 1205