Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 392 Hüküm no: 530 Orijinal metin no: [46a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Molla Hasan’ın alacağı olduğu iddiasıyla açtığı davada haksız bulunduğu Ma‘rûz Medîne-i Üsküdar’a muzâfe Şile kasabasında sâkin Molla Hasan b. Mustafa nâm kimesne medîne-i mezbûrede meclis-i şer‘-i hatîrde Sâbıkā kasaba-i mezbûre subaşısı Bostanî Mehmed Ağa b. Abdullah nâm kimesne muvâcehesinde mezbûr Molla [Bostânî] Mehmed Ağa târih-i i‘lâmdan altı ay mukaddem yedimden iştirâ ve kabz eylediği keyl ve fiyâtı beynimizde ma‘lûm şa‘îr semeninden otuz guruş zimmetinde hakkım olmağla taleb ederim deyü da‘vâ ol dahi cevâbında fi’l-hakīka müdde‘î-i mezbûra ol-mikdâr meblağ deyni olduğunu ikrâr lâkin târih-i merkūmda müdde‘î-i mezbûr Molla Hasan’ı deyn-i mezkûr ile üçümüz bir meclisde olduğumuz hâlde gāib ani’l-meclis Halil Efendi üzerine havâle-i mutlaka ile havâle ol dahi ber-vech-i muharrer havâleyi kabûl etmekle zimmetim berî olmuşdur deyü ba‘de’d-def‘ ve’l-ikrâr mûcebiyle müdde‘î-i mezbûr Molla Hasan da‘vâ-yı mezkûresiyle mezbûr Mehmed Ağa’ya bî-vech-i şer‘î mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî-selhi Ca [Cemâdelûlâ] sene 1205