Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 393 Hüküm no: 532 Orijinal metin no: [46a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali Beşe b. Ahmed’in borcunu ödemesi Ma‘rûz Medîne-i Üsküdar’da Turbali mahallesinde sâkin Hafız Hüseyin b. Mehmed nâm kimesne meclis-i şer‘-i hatîrde Ali Beşe b. Ahmed nâm kimesne muvâcehesinde mezbûr Ali Beşe târih-i i‘lâmdan dört sene mukaddem bi-tarîki’l-karz istidâne ve kabz eylediği kırk altı guruş deyni mukābelesinde memhûr ta‘bîr olunur bir kıt‘a ulûfe tezkiresini bana bi-tarîki’r-rehn vaz‘ ve teslîm etmiş idi el-hâletü hâzihî rehn-i mezkûru yedimden ahz birle meblağ-ı merkūm kırk altı guruşu bana teslîme mezbûr Ali Beşe’ye tenbîh olunmak matlûbumdur deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm kırk altı guruşu müdde‘î-i mezbûra ba‘de’l-edâ fekk-i rehn etmek üzere mezbûr Ali Beşe’ye tenbîh olunduğu bi’l-iltimâs huzûr-ı âlîlerine i‘lâm olundu. Fî selhi Cumâdelûlâ sene 1205