Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 395 Hüküm no: 535 Orijinal metin no: [46b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Debbağ Seyyid Hasan b. Mehmed’in borcunu ödemesi Ma‘rûz Mahmiye-i İslâmbol’da Hobyar mahallesinde sâkin el-Hâc Ahmed b. el-Hâc Mehmed medîne-i Üsküdar’da meclis-i şer‘-i hatîrde Debbâğ es-Seyyid Hasan b. Mehmed mahzarında bundan akdem gāib ani’l-meclis Kasab Tekor nâm zimmî zimmetinde ma‘lûmü’l-aded ganem semeninden bâkī yüz altmış dört buçuk guruş hakkım olup gāib-i mezbûrun dahi mezbûr es-Seyyid Hasan zimmetinde ma‘lûmü’l-mikdâr koyun derisi semeninden yüz altmış dört buçuk guruş hakkı olmağla gāib-i merkūm Teko[r] zimmî beni deyn-i mezkûr ile üçümüz bir mahâlde olduğumuz hâlde mezbûr es-Seyyid Hasan üzerine havâle-i mukayyede-i şer‘iye ile havâle ve herbirimiz havâle-i mezkûreyi kabûl ve meblağ-ı merkūmun on iki guruşunu mezbûr es-Seyyid Hasan yedinden ahz ü kabz ve bâkī yüz elli iki buçuk guruşu mezbûr es-Seyyid Hasan zimmetinde kalmağla taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı bâkī-i merkūm yüz elli iki buçuk guruşun müdde‘î-i mezbûra edâsıyla mezbûr es-Seyyid Hasan şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 4 min-C sene 1205